ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

សភាបោះពុម្ភផ្សាយសៀវភៅ សម្តេច ហេង សំរិន ក្នុងវិស័យការទូតសភា

  • ចុះផ្សាយថ្ងៃទី១៩ ខែកក្កដា ឆ្នាំ២០២៣ ម៉ោង ១៦:០០ នាទី ដោយ EAC News
  • 2264
  Aa |   aA

ភ្នំពេញ៖ សៀវភៅមានចំណងជើងថា សម្តេច ហេង សំរិន ក្នុងវិស័យការទូតសភា បានចេញផ្សាយជាសាធារណៈនៅក្នុងខែកក្កដា ឆ្នាំ២០២៣នេះ។ សៀវភៅនេះ បានរៀបរាប់ពីសមិទ្ធផល របស់រដ្ឋសភាក្រោមការដឹកនាំរបស់ សម្តេចអគ្គមហាពញាចក្រី ហេង សំរិន ជាពិសេស ភាពជោគជ័យក្នុងវិស័យការទូតសភា។

វិស័យការទូតសភា ជាកិច្ចការមួយរបស់រដ្ឋសភានៅលើឆាកអន្តរជាតិ ក្នុងចំណោមកិច្ចការជាច្រើនរបស់រដ្ឋសភា ក្នុងការបម្រើប្រទេសជាតិនិងប្រជាពលរដ្ឋ មានដូចជាការតាក់តែងច្បាប់ ភាពជាតំណាងរបស់ប្រជាពលរដ្ឋ និងការតាមដានការអនុវត្តច្បាប់ជាដើម។

សៀវភៅ សម្តេច ហេង សំរិន ក្នុងវិស័យការទូតសភា បានលើកឡើងថា ជាទូទៅកិច្ចការងារការទូត ត្រូវគេយល់ឃើញថាការងាររបស់ស្ថាប័ននីតិប្រតិបត្តិ ដែលអនុវត្តតាមរយៈក្រសួងការបរទេស និងប្រមុខការទូតប្រចាំប្រទេសនីមួយៗ។ ប៉ុន្តែនៅក្នុងទស្សវត្សចុងក្រោយនេះ ស្ថាប័ននីតិប្បញត្តិដែលមានតួនាទីស្នូលជាតំណាងប្រជាជាតិ និងប្រជាពលរដ្ឋទំាងមូល បានចូលរួមយ៉ាងសកម្មនៅក្នុងសកម្មភាពកិច្ចសហប្រតិបត្តិការអន្តរជាតិ ទំាងក្នុងក្របខ័ណ្ឌទ្វេភាគី និងពហុភាគី។

នាយកខុទ្ទកាល័យសម្តេចប្រធានរដ្ឋសភាលោក កែវ ពិសិដ្ឋ បានលើកឡើងនៅក្នុងសៀវភៅនោះថា ទោះបីមិនបានរៀបរាប់អស់ពីសកម្មភាពរបស់ សម្តេចប្រធានរដ្ឋសភា នៅក្នុងការដឹកនាំរដ្ឋសភា ប្រមាណជាងបីអាណត្តិមកនេះក្តី តែសៀវភៅមួយក្បាលនេះ បានបង្ហាញពីផ្នែកខ្លះ នៃបេសកកម្មរបស់សម្តេច ក្នុងការលើកកម្ពស់កិត្តិយស កិត្យានុភាពរបស់រដ្ឋសភាកម្ពុជា ក៏ដូចជាប្រទេសជាតិទំាងមូល នៅលើឆាកអន្តរជាតិ។

សៀវភៅ សម្តេច ហេង សំរិន ក្នុងវិស័យការទូតសភា មានកម្រាស់ជិត ៣០០ទំព័រ បានចែកជា ៥ជំពូកធំៗ។ ក្រៅពីការផ្តោតជាសំខាន់លើកិច្ចការទូតសភា សៀវភៅក៏បានរំលេចផងដែរពីប្រវត្តិនិងស្នាដៃបម្រើជាតិនិងប្រជាជនជាច្រើនទៀត របស់សម្តេចអគ្គមហាពញាចក្រី ហេង សំរិន តាំងពីដើមមក។

សូមជម្រាបថា ក្រោមការដឹកនាំរបស់ សម្តេចអគ្គមហាពញាចក្រី ហេង សំរិន សភានៃព្រះរាជាណាចក្រកម្ពុជាបានចូលរួមយ៉ាងសកម្មនៅក្នុងការជំរុញនិងលើកកម្ពស់វិស័យការទូតសភា សំដៅលើកកម្ពស់និងជំរុញដល់កិច្ចសន្ទនា កិច្ចសហប្រតិបត្តិការ និងការអភិវឌ្ឍប្រកបដោយចីរភាពនៅលើឆាកអន្តរជាតិ៕


ព័ត៌មានជាច្រើនទៀតសម្រាប់អ្នក